سلّمنــي على 911

sss님의 프로필๑۩۞۩๑ عباطه على بلاطه ๑...사진블로그리스트

< 이전 다음 >

1월 7일

سلّمنــي على 911

ندخل في الموضوع

يوم الثلاثاء الساعه 9 بتوقيت الرياض – الدرعية القديمة -
أم ناصر وبنتها مريم 10 سنوات ..في الصالة يتفرجون على مسلسل كويتي ومنسجمين ..
ناصر ذو الـ 15 ربيعا قاعد يلعب بلايستيشن ومسوي دوري مع الكمبيوتر وواصل للنهائي
ابو ناصر في الاستراحه يلعب بلوت مع ربعه ..
انا : فاتـــح النت وقاعد اكتب الموضوع ذا

وفجــأة .. وبدون سابق انذار

سمعت ام ناصر صوت قوي في المجلس وهبت مسرعه لترى ماحدث .. ومامداها تفتح الباب زين الا الدخان يعجعج والنار قابسه في الكنب وواصله للسقف .. وتقعد تصيح على ولدها نااااااااااصر ، ناااااصر الحقني .. ناااصر .. نااااااصر .. والأخ ماهوب يم أحــد .. توه بادي في الشوط الثاني على النهــائي .. ومطرود منه 3 لاعبين ومتحمــس وعاض لسانه .. والله لو تحترق الحاره ماجاب خبرها ..

وتجيك ام ناصر عاضه ثوبها تبي تطلع للاصقة ناصر ... وتقوم تفتح عليه الباب .. وتقب في وجهه ..وجع ماتمسعني اناديك .. قوم مجلسنا احترق ..
لحظة يابنت الحلال !!
وش لحظة اقولك المجلس احترق تقول لحظة !!
قوم بسرعه دق على الدفاع المدني قبل يحترق البيت ونروح فيها ..
طيب لحظة شوي .. لحوووووول .. شفتي ضااعت الهجمه ..
هجمت عليك الضواري .. قم جعلك الجدري قبل لانتحرق ونغدي فحم في هالبيت ..

وشو ؟؟ من اللي احترق << توه يستوعب الأخ !!
المجلــــــــس ياناصر
وفي هاللحظة بدى ناصر يشم ريحة الحريق .. وينزل للمجلس بسرعــة وقبل يوصل الصالة شاف الدخان معثور ومير يهون ويطمر للتلفون .. وقبل يدق التفت على أمـــه .. يمـــه كم رقم ابوي !!
دق على الدفاع المدني ابوك وش بيسوي بنا .. وبعدين التلفون مافيه صفر الله يصلحك دق على المطافي كم رقمهم ماتعرفه ..
لا والله يمه ماعرفه
هذا كبركــ ماتعرف الرقم ..
والله ماعرفه .. اذكر ان فيه 9 ..
ياخسارة تربيتي بس << تكفين ياللي تعرفين الرقــم
وتنط مريم ..انا .. انا اعرفه .. الرقم 998 .. << لبا قلبها الفطينه

ناصر : الووو

الدفاع المدني : معك

ناصر : تكفى ياخي بيتنا احترق ارسلولنا وايت يطفيه

الدفاع المدني : طيب ماعندكم طفاية حريق .. ( يلعنم الرد البايخ )

ناصر : هاه .. مدري .. لا لا ماعندنا .. الا عندنا بس ماتشتغل ..

الدفاع المدني : ههههههههههه ياخي عندكم والا ماعندكم ..

ناصر : لا ماعندنا .. يالله بسرعه تعالوا ..

الدفاع المدني : طيب وين بيتكم فيه ..

ناصر : في الدرعيه عند الدوار اللي بجنب هرفي تلف من عند الشارع الكبير اللي فيه لمبات وتجيك براحه بجنبها بيتنا على طول<< على هالوصف بتحترقون

الدفاع المدني : وصف لنا زين .. وينكم عن هرفي ؟

ناصر : اذا وقفت عند هرفي وخليته على اليمين بتشوف قدامك بيت ابيض وبيبانه خضرا بيتنــا قبالــه على طول ..

الدفاع المدني : طيب كم رقم العماره ..

ناصر : رقم تلفونا ..

الدفاع المدني : رقم العماره ياخي ..

ناصر : مادري ماعرف

الدفاع : المدني .. خلاص الحين الفرقه تتحرك ..

ناصر : بدري !! مابغيتواااا >>> لاياشيخ . من زين وصفك الحين

في هــذه اللحضة

الحريق تعدى المجلس ووصل للمقلط والدخان بدا ينتشر في البيت وام ناصر وعيالها بدوا يكحكحون وانكتموا من ريحة الحريق ولايدرون وش يسوون !!

الدفاع المدني – غرفة العمليات ..

المأمور .......... يا 420 – 420

420 ......... معك

المأمور ...... فيه بلاغ عن حريق في الدرعية .. بجنب مطعم هرفي ..

420 .........اسم الشارع – ورقم الفيلا لوسحمت ؟

المأمور .............البلاغ اللي وصلني بدون اسم شارع وبدون رقم فيلا

420 .......كرر

المأمور ........البلاغ اللي وصلني بدون اسم شارع وبدون رقم فيلا .. عـُـلم !!

420........ عـُـلم ..

420

يا 116 .. 116

116

اسمعك 420

420 :

وصلنا بلاغ عن حريق في فيلا بالدرعية بجنب مطعم هرفي

116 :

أوامرك 420

420 :

جهزوا فرقة للقيام بالواجب .. عـُـلم

116 :

عُلــم

116

يا 50 – 50

50

اسمعك 116

116

عندي بلاغ عن حريق في فيلا في الدرعية بجنب مطعم هرفي

50
أوامرك 116

116

محتاجين 6 افراد مع سيارة اطفاء مع اسعاف للمصابين .. عـُـلم

50

عـُـلم

ام ناصر وناصر ومريم ماتــوا وشبعــوا مـوت.. واخوانا في الله .. عـُـلم عُـلم ..

(( ويويويويويو << السفتي ))

^
^
^
ياشيخ بدري تو الناس .. مر على العثيم تكفــى ..واشترلك ميرندا حمضيات ومر الطازج على طريقك وخذ لك فروج مشوي واكله بالطريق وانت جاي .. لاتستعجل خذ راحتك طال عمرك

بعـد مرور 45 دقيقة وصلـت الفرقــة وعرفوا البيت من الحريق اللي وصل السما يعني في هاللحظة مايحتاج توصيف دخـان الريق يشوفة اللي في المجمعـة ..
قربوا سيارة الاسعاف عند البوابــة .. شالـوا ثلاث جثث متفحمـة .. ماكان لهم ذنـب الا الجهــل بابسط واجبات السلامة .. إضافة الى كفاءة رجال الدفاع المدني وكفاحهم واخلاصهم في عملهم

((قـــــــــــــابلني))

مايستفاد من الموضوع :

1- هل احنا على اهبه الاستعداد لاي ضرف طارئ لاسمح الله واخص كارثة الحريق المنزلي بحيث انا وفرنا وسائل السلامة من طفاية حريق جاهزة للاستخدام اضافة الى المهارة الكافية ازاء هذه المشكلة ..
2- واذا كنا نعرف ان الدفاع المدني عندنا الله بالخير وماعندهم ماعند جدتي اللي في قبرها هل هذا يعني انا نزيد الطينه بله ومانعرف وش نسوي اذا صار حريق لاقدر الله ..
3- هل الدولة تعرف عن مهزلة التحويلات المطولة وتكرار الأوامر بين فرق الدفاع المدني 116 – 50 - 420 .. وعبارة عـُـــلم .. عـُــلم ؟؟ وهم لاعلم ولاتبن .. الظاهر مايدرون وش معناها !!

أقــــــول : سلملي علــــى 911

تحياتي ..

오후 6:44 | 스크랩

댓글 (10개)

댓글을 추가하려면 Windows Live ID로 로그인하세요. 핫메일, 메신저 또는 Xbox LIVE를 사용하는 경우 해당 계정을 Windows Live ID로 사용할 수 있습니다.로그인

Windows Live ID가 없으신가요? 등록

	iiiiiiiiiiiiiiiiiii님이 남긴 글: وربي انك مطقنق ههههه 3월 9일
	،،^!^~نوووونه~^!^،،님이 남긴 글: هههههههههههههه صدقت ميه بالعشره يا إني والله ناويه نيه مهب زينه لهم هع هع وهـــ وهـــ شوووووووووووووووووش طوط طوط حوووووووول 955 حيه اخيتي انتي هنا وهـ وهـ والله لأعلم ابوي خخخخخ تحشين في المطافي اللي جنبنا ابشرك رميت حجار على سيارتهم المخرقعه بعدين ياللي هاذا سبيسك<<نسيت الأسم سبيسك حلوو ومواضيعك سنعه ناقص القهوه والله والتمر <<اقلبي وجهك و مواضيعك ساخنه يالل سير على السبيس طيطططططووووووووو 3월 3일
	weeeadar3a님이 남긴 글: سبيسك رائع لكن يحتاج تطوير مواضيعك تجمع الفكاهة والهدف السامي.... 3월 3일
	حيه ام راسين 님이 남긴 글: وشششششششششششش طوط وشششش حّول ..911حّول السلام عليكم ..برب اشوف اسمك<<<<ههههخخخخخخخخخ عباطه والله معاك حق في كل ماقلته ..ياخي حقين المطافي ساكنين جنب بيتنا ..تصدق عاد في النهار ..نايمين وفي الليل سهاري على بلوت وقهوى وقال ايه في خدمتنا ...طوط طوط من جنبها اقول عباطه وراك ما دقيت على 911 ..ياخي لو في سكنن في الربع الخالي في جزء من الثانيه تلاقيهم عندك وبعد الحادث لازم تجيهم ويحطونك في التلفيزيون ..و تصير مشهور ببلاش ...<<<<<<<<<اهم شيء عندها خخخخخخخخخخ برب ...بشرب مويه ويمكن اكمل الهرج ويمكن ما اكمله خخخخ خلاص قعيت نص مويه البراده ..بس ماني مكمله ..ياخي لاتقول تكفين انا حره كيبوردي وانا حره فيه وش ذا لصق جونسون امريكي ... مشيّ مشيّ..ولا تطل وراء ............هههههههه المهم بغيتو شي ..قهوى ...شاهي بغيتو تعالوا سبيسي وعندي كل إلي تبونه ....عندي مالذا وطاب عندي جالكسي وكندر وببسي سيرو علينا حيه ام راسين سي يووووووووو 2월 7일
	Sômê·¸0nê 님이 남긴 글: مووضوع مهم والله وطرحك للموضوع شدني يعطيك العافية والله يبعدنا عن هالمصايب 1월 25일
	لهفة الخاطر 님이 남긴 글: زعلت على سبيسك تعليقي رااااااااااااااح وانا متأكده اني علقت ولا انت كليته :( 1월 23일
	ღ ,الـــــــــغـــلا, ღ 님이 남긴 글: هههههههههههههههه اهم مافي الموضوع مايستفاااد من الموضوع ذكرتني بايااام المدرسة كله مايستفاد من الموضوع اللف شكر لك على هالموضوع وحبيت اقووول عندنا وعندكم خير عاد بقولك مثاال خخخخخ مرة اخوي ريح المسجد يصلي<<<<احلفي وهو نازل من سيارته طاحت مفاتيحه بالبالوعة وانت بكرامة عاد هو سهالات عادي رجع البيت مشي مافيها مشكال وامي ثاني يوم اتصلت ع الدفااع المدني تقولهم تعالوا طلعوا المفتااح قالوا لها طيب بس خلينا نفطر بعدين نجيكم خخخخخ الله والمثااال الصراحة امي ماعندها سالفة مدري وش تبي من المفاتيح عمومن الف شكررر لك اخووووي والله لايحرمنا من مواضيعك بانتظار جديدك <<<<<من متااابعي مواضيعك اختك ღ ,الـــــــــغـــلا, ღ 1월 18일
	Gogo20068 님이 남긴 글: سبيس حلو وراايق بالتوفييق 1월 13일
	عبـــاطه على بـــلاطه 님이 남긴 글: أولا / وعليكم السلام ورحمة الله وبركاته ثانيا / الحمد لله اني من الواحد في المية اللي بقو (خخخخخ ايه طيب ) << والله توني اتعلم عليها ولكن نتفائل بخير وعموما لو صار حريق لاقد الله عندنا واحد دوووب في البيت يمديه بنفخه يطفيها هههههههههههه هذا هو جنبي وعطاني بقس على ذا الكلمة كااااااااااااااااااك ثالثا / تراكم ابلشوتي كل واحد يقول غير غير ، وش ذا الزين ماهوب عاجبكــ عاد انتي عرفناك بالنقاده يعني بسوي نفسي ماسمعتك خخخخخخخخخخخخخخخخخخخخخ رابعا / وانتي بخير وصحة وسلامع وينعاد علينا وعليكم والجميع بخير يارب خامس / ياليت والله ههههههههههههه لا لا امزح وش دعوه انطقي بس ^_^ او روحي بس لاتقاطعين 1월 8일
	نــوٍوٍوٍوٍنــي 님이 남긴 글: اولاً..السلام عليكم..اخبارك ان شاءالله بخير... ثانياً..بخصوصا اسئلتك بنسبة 99% مايعرفون يستخدمون طفايات الحريق وبالاصح مافكروا مجرد تفكير انهم يتعلمون استخدامهم او حتى احتوائها وانا اولهم لما شب اخر حريق بفعل مني غير مقصود جلست اتفرج على النار وانتظرها توصلني لاني كنت متوقعه اني ماراح اطلع سالمه لو الله ستر وباللحظه الاخيره قدرت اتصرف.. واغلب الناس معتمده على الدفاع المدني الي مو داري عنهم لما تطير الطيور بارزاقها توهم يدلون البيت :P... ثالثاً...رجع صورة البزر الي فاك فمه ومفهي يرحم والدينك كان معطي السبيس جووووو.. رابعاً..كل عام وانت بخير قبل الزحمه... خامساً...احس اني مصختها لذلك بشيل قشي وبطس .. سلاااااااااااااااااام 1월 7일

트랙백

이 블로그를 참조하는 웹 로그

없음