| sss님의 프로필๑۩۞۩๑ عباطه على بلاطه ๑...사진블로그리스트 |  도구  도움말 |
|
11월 12일 هل كيف تجعلين الرجل يحب البيت(( هل كيف تجعلين الرجل يحب البيت ومـــــــا يطلع منه أبدا البته )) في الحقيقه وضع الشباب السعودي ماهو عاجني بأي حال من الاحوال المدنيه واللي حصل اني في أجازة العيد هذا صار لي شي وهذا الشي هو اني .. انا أنسان ما أحب الزحمه (وأعوذ بالله من كلمة الزحمه) وبغيت أطلع أتمشى زيي زي أي واحد بيطلع يتمشى وطلعت بالهيلوكبتر حقتي تلافيا للزحمه وللازعاج عند الاشارات .. وبما اني مملوح وواقف عند اشارة فأكيد ان البلوتوث بيشوف شغله من الناحية فقلت اركب الهليوكبتر واريح دماغي المهم .. حطيت رجلي على كورنيش جده وكان الجو رائع بس اللي لفط انتباهي (أي لفت أنتباهي) ان الكازينوهات اللي على البحر مليانه شباب والكورنيش من اوله الى اخره برضه جلسات شباب . والشوارع مليانه سيارات (طبعا انا شايف هذا كله من فوق من الهيلوكبتر حقتي) دليل ان فيه شباب برضه برا بيوتهم ... وقلت ياولد ما دام ان البنزين فل وأنا مأمن على الرخصه خلني أشيك على المدن الثانيه ....... ويا للهول طلعت شمال على حايل :- لقيت الشباب كلهم بالشبه يعني كلهم كاشتين (ياحبي لكم ياهل حايل) على شان الدعيع طبعا ومناك لفيت يمين على القصيم وما جاورها وعلى المقيمين خارجها مراعاة فارق التوقيت :-لقيتهم متلثمين وكل واحد في يده حزمة كراث ورايح للمركاز للشباب يتقهوى كراث وبعدين رحت الرياض ...(( الكشخات وشماغ المراسيم يحييكم )) لقيتهم كلهم في أستراحات وكلهم يشربون معسل .. نفسي أشوف واحد يشيش وبعدها رحت للشرقيه :- شباب الخبر ما سكين سرا في سياراتهم عند المنتزه ينتظرون اللي يشيشون جوا يخلصون (ما عندهم الا هالمنتزه) وكلهم يجلسون حول المسبح يعني اني مروق  ومن ثم انطلقت الى نجران :- لقيتهم لابسين جنابي ومتجمعين يلعبون قزوعي وبعدها رحت لأبها :- لقيتهم ماليين محلات المندي ياكلون لحم <--- أجل وش بياكلون في المندي همبرقر  خلاصة الموضوع عزيزتي السحليه انتي السبب أي والله انك السبب كلي تبن وخليني أكمل لو ان الواحد مرتاح في بيته كان ما جلس برا وقت طويل والا كان أخذ زوجته اذا كان متزوج أو أهله أذا كان متأهل قصدي اذا ماهوب متزوج .. فهل كيف تخلين زوجك رجلا بيتوتين يعني يحب البيت هل كيف؟ اولا :- عدلي شكلك الله ياخذ وجهك . سرحي شعرك . انا مدري ليه كلهم شعورهم ملفوفه . والاجانب حتى وهم نايمين مسرحين شعورهم <<< شفتهم في الافلام رابعن:- خليك مبتسمه دايما حتى لو كان ما ودك تضحكين . عاد من زين الابتسامه الحين اول ما تضحك يطلع لك سن ذهب . يعني حاولي تلطفين الجو دايما . لآن الكابتن يجي من العمل والا من الشارع تعبان وقرفان فيتمنى انه يلاقي شي يريحه في البيت وهذا الراحه تبدا بالابتسامه بس بدون سن ذهب الله يخليك اما انه يجي تعبان ويلاقيك لافه شعرك ومبوزه صعبه هذي صراحه . تاسعن:- حاولي تتكلمين معه بأسلوب الانثى (يعني خلي أسلوب المدرجات لبعدين) وبأسلوب وحده عاقله وتحاول انها تناقش نقاش هادف . بس لاتسوين نفسك فاهمه وتتفلسفين على قلبه تمصخين الوضع . يعني لافه شعرك ومبوزه وتتفلسفين بعد ؟ أعتقد ان الوضع سيء للغايه ثانيا:- لستة الطلبات حقتك دايما يكون فيها الاتي <--- معناها الجاي مو معناها الاتحاد باذنجان- بطاطس- طماط- ملفوف<--- زي شعورهم - خضروات- لحم- سمك-انواع المتبلات والبهارات- اغراض الحلى- ألخ.... ألخ .... ألخ وفي النهايه الغدا رز ودجاج حاولي تغيرين حتى لو دمرتي الدنيا بس برضه حاولي .. مره ومرتين وثلاث .. فلا يأس مع الحياه ولا حياة لمن تنادي أعرف واحد من الشباب زوجته ألحين تتحدى الشيف عطيه بس بعد تجارب عديده وخساير ماهي بصاحيه يقول لي أول ايام الزواج تهورت وقررت انها تسوي بيتزا يقول وجلست انتظر يمكن 5 ساعات والله لو انها ولاده المهم حطت السفره والمويه <--- احسن شي فيهم وجابت حاجه ممكن تكون أي شي ألا البيتزا . حاجه مكونه من طبقتين طبقه هشه كأنها أسفنج هذي اللي فوق والطبقه اللي تحت كنها بلاطه مدوره يقول قلت لها الله سلمت يمينك بس لاعاد تسوين بيتزا مره ثانيه الله يرحم والدينك تكفين تكفين .. طلبتك عزيزتي السحليه كل هذي الاشياء تجعل منك سحلية بيت محترمه . نحن نقدر جهودك فأنتي نص المجتمع والنص الثاني يعتمد عليك أعتماد كبير ... حاولي وربنا معاك ..  댓글 (12개)
트랙백이 블로그를 참조하는 웹 로그
|
|
|
